其實我好鍾意去旅行, 睇吓名勝古跡自然奇景之餘, 又可以享受各國美食, 真正做到"飽食終日, 無所用心"!
我個人好鍾意plan嘢, 乜鬼都要計劃一下, 去旅行都唔例外. 每一次去旅行之前, 我都會日日上網搵資料, 睇旅遊書, 計劃下住邊度/去邊度/食啲乜呀咁, 所以好多時唔係趕到隻狗, 就係走馬看花式去咗好多地方. 最緊要係maximize所花嘅錢同時間.
不過自從我去曼谷已經熟過落銅鑼灣, 同埋上次去喀比渡蜜月之後, 我發覺漫無目的咁去旅行都幾OK. 每日瞓到黃朝百晏先至起身, 鍾意隨時食就食瞓就瞓, 喜歡嘅就游吓水, 又或者就咁攤喺個沙灘曬吓太陽. 個腦完全唔需要諗嘢, 又唔駛老婆投訴話辛苦.
迎排好想去峇里島, 究竟有冇好心人比啲資料我呢?
