不過，科技男自問依世都唔知買唔買得起一架法拉利，所以呢佢亦只係响我嘅夢裡面出現，名副其實嘅Dream Car.
响現實中，我依家總想擁有嘅，就係．．．福士最新嘅Golf GT！
嚴格嚟講，我的最愛係Golf R32，不過要成40萬，咁貴，又係得個睇字．依架Golf GT，雖然都要成25萬，不過幻想得嚟叫做比較接近現實啦．架車仔雖然得1,400cc，但係supercharger加埋turbo，有成170匹馬力，勁！而且我鍾意自動波多過棍波，香港地揸棍波，除咗窮或者懶型之外，我諗唔到其他理由，F-1賽車都用自動波啦．福士嘅DSG六前速自動波箱，我覺得係本世紀最偉大嘅汽車發明之一．又慳油又擘得嘅車，去邊度搵．
唉，不過點勁都好，我都只能夠响放假嘅時候揸吓部錢七corolla，又或者每日放工嘅時候，欣賞吓我同事部Golf GTI．
