慶祝回歸，見證十年前後。
十年前，剛剛入大學，愛玩不愛讀書。十年後，依然愛玩，不過更愛讀書。
十年前，金融風暴，擔心畢業找不到工作。十年後，按曾特首說經濟前所未有地好，不過仍然擔心找不到好工作。
十年前，幻想自己揸法拉利。十年後，仍然幻想自己揸法拉利，不過都叫做有架錢七。
十年前，開始了一段戀情。十年後，已經結咗婚。
十年前，冇諗過買到樓。十年後，買得起間蚊型屋，不過唔打算買。
十年前，中學同學各散東西。十年後，竟然玩埋一堆，成為最好的朋友。
十年前，阿媽日鵝夜鵝。十年後，阿媽依然日鵝夜鵝，不過我會發脾氣。
十年前，成日掛住上網。十年後，依然成日掛住上網，有病。
十年前，我同自己講要出人頭地。十年後，我同自己講三十歲前要出人頭地。
十年前，我認為人生得意須盡歡。十年後，我依然咁覺得，不過就後悔少壯不努力。
