近幾日報紙不停講朱處長與豔女Coco之事, 睇見佢真係好可憐. 幾十歲男人出嚟應酬又好, 搞搞震又好, 比人見到就左閃右避, 真係老猫燒鬚. 我諗只有兩個可能性: 第一, 朱處長已經啤啤夫, 神智不清. 第二, 佢係一隻純情小羔羊, 好少出去蒲.
姑勿論處長有冇同Coco搞埋一堆, 極其量佢只係需要同佢老婆仔女交代. 香港電台果班人, 夠膽死話人地講乜嘢大話, 仲影響埋士氣添, 吹脹! 老闆去滾, 有點樣影響員工士氣呢? 港台啲人, 扮晒衛道之士, 無非想乘機整走處長嗻. 事關處長係港台阿頭, 迎排政府又吹風想私有化港台. 一私有化, 隨時減薪加裁員. 只要阿頭一走, 私有化件事就可以拖字闕啦.
