今日恆指收市跌730點, 即月期指更加試過跌成千點, 國企指數又大跌4個幾巴仙. 外圍唔好得幾多, 連一向食咗偉哥嘅A股都要跌, 相信好多人要食驚風散. 查實yen由123美元短短幾日直上到118美元, 攪到上個星期五美股借勢調整, 但係星期一港股非但唔跟, 仲要升成四佰幾點. 依幾日啲yen升勢凌厲, 全世界都要回調, 港股最終j都係要"追落後".
跌咗咁多, 後市又點睇? 次級按揭唔係今日先有嘅事, 只係啲人後知後覺, 攞嚟做炒作藉口. 日元勁升, 引發利差交易平倉, 不過日本經濟前景有待觀察, 加上日本政局"立立亂", 斷估冇人會夠膽响依個時候加息, yen遲早都要回返落去. 雖然全球信貸開始收緊, 不過資金仍然泛濫, 所以唔駛睇得太淡住.
本來掛咗牌想喺$31.5買中人壽, 不過買唔到. 今日收市期指低水150點, 即管睇吓聽日下晝升唔升得返.
