我剪頭髮嘅時候，最怕幾樣嘢：
1. 啲人不停咁同我講嘢．
2. 洗頭時將啲水彈哂落我塊面度．
3. 用護髮素幫我個頭按摩．
最衰就係男人啲頭髮好快長，頂多一個月就要剪一次，每次去剪頭髮都好似去送死咁，真攞命．比$500剪一次果啲服務係好好多，起碼洗頭唔會洗到好似玩激流旅程．不過太貴喇，一個月一次，一年未成$6000蚊?
星期又六又去剪頭髮，個洗頭姐姐係咁問我叫乜名，做邊行咁．起初我以為我魅力過人，連姐姐仔都吸引到．後來我先意識到，可能佢見我係生客，先幫個髮型師問下我啲料，等陣個髮型師可以同我吹兩咀，打下關係．見微知著，依間髮型屋嘅管理的確唔錯，唔怪得可以開成四間分店啦．
