今日年廿九, 好快就過年.
中國人過新年, 第一句通常都係"恭喜發財". 錢雖然重要, 不過人越大, 就越覺得健康最緊要. 身邊親朋戚友, 個個冇病冇痛, 就多多錢都買唔到.
蜜運中嘅人, 好快啲拉埋個天窗喇. 我未結婚之前, 以為拍拖耐咗, 結唔結婚都冇乜分別, 畢竟兩個人一齊已經成十年. 但係結婚之後, 感覺真係唔同咗, 就好似人生再一次起步咁. 依種感覺就好似食咗興奮劑, High High地, 背後多咗一份推動力咁. 唔明? 唔信? 到時你未知囉.
重有, 想祝我發財嘅, 係麻雀枱上識做啦; 想祝我添丁嘅, 就唔駛喇.
最後同大家拜過早年: 希望豬年所有人都身體健康 , 萬事如意.
