琴晚瞓到三點幾痛醒咗, 本來諗住搵間24小時診所睇醫生, 不過最後頂唔順, 坐白車去咗急症室.
今次係我第二次因為胃痛而去醫院, 上一次係好多年前. 果次我同女朋友行行吓銅鑼灣, 突然間個胃痛到成個人企都企唔到, 就即刻叫的士去葛量洪醫院. 我係醫院道典咗三個幾鐘都未睇到醫生, 最後冇咁痛就自己走咗, 所以我今次都好唔想去醫院.
話時話, 今次係我第一次坐白車. 我三點鐘痛醒, 四點鐘上救護車, 成六點鐘先走人. 初頭醫生驚我個胃穿咗, 就幫我照X光, 好彩冇事, 只不過係胃炎加發燒. 醫生又問我係唔係好大壓力, 點解個個醫生都以為我抑鬱症??? 可能我真係有自己唔知...
胃抽筋果種痛比死更加難受, 非筆墨所能形容. 今個星期睇怕只能夠食粥喇.
