我承認我一直以嚟都冇好好咁珍惜你地． 我份人又懶， 返工又成日掛住上網， 又好逸惡勞，又．．．．．．點解你地粒聲唔出就咁樣離開咗我！？
你陪咗我大大話話都有成三十年，由細到大日日食親飯都見住你，我兩片嘴唇錫你嘅次數重多過錫我老婆，我只係一時唔小心"冼"手嗻，點解你咁睇唔開跳落街？以後食飯冇咗你我點算？
雖然阿媽啲餸唔可以稱得上珍餿百味，但係阿媽煮得咁辛苦，無功都有勞吖，所以我亦唔敢有任何怨言．點解今晚係隻死肥雞，要用絛雞骨插我個嘴咁陰毒，攪到我爆曬江?
重有你．我知，我掂你果陣時唔鍾意戴套，攪到你鬼咁殘．係都唔駛係我放工搭車訓到隻豬咁嘅時候，偷偷地就咁走咗去，又帶埋我啲friend嘅電話走．大佬呀，我平時唔用腦嫁嘛，點記得啲電話號碼嗻?
