依個星期, 生果日報每日都報導係吉野家"唔小心"吞咗口釘落肚位哥哥仔, 圖文並荗咁追蹤粒釘係佢身體入面嘅位置, 好似一位探險家係亞馬遜河流域探險, 又好似太空人去登月一樣咁.
今日佢地就報導話條友"原來"自編自導自演, 想屈吉野家賠錢. 其實有少少腦, 都此諗到冇可能食食下兜飯會吞咗粒釘啦. 成三寸長喎, 係咁二趙下都"吉"親啦. 生果報仲話條友玩殘吉野家, 計我話係生果報想玩殘人至啱.
其實要屈人錢, 都唔駛去到咁盡要吞釘丫, 求其放啲烏蠅曱甴咪算啦. 話時話, 生果報好似有買新聞嘅前科, 唔通 ...
==========================================================
11 歲 天 才 跳 樓 死
睇到依類新聞, 個心都幾唔舒服. 與其怪個阿媽害死個仔, 其實啲報紙又何嘗唔係共犯? 攞個乜嘢數學獎就話係天才, 啲壓力咪就係咁嚟. 自己做阿爸阿媽嘅又唔係叻得去邊, 點解要迫到個仔去死? 11歲, 應該玩多啲, 開心啲. 如果個仔真係人中之龍, 唔駛迫佢都會成功. 仲有點解一定要個仔做數學"天才"? 計數叻真係大哂?
